خلقی محزون ایلیوبدور دود آهیم گلمدی
عـالـمه تأثیر ایدوب غمـلی نگاهیم گلمدی
گــرد باد ظلم اسندن، گـل¬لریم پژمرده دور
یا رب آخــر بو نسیم صبحگاهیم گـلـمدی
آغلاماقدان آز قالوب گیدسین المیدن گوزلریم
یوسف گم گشته ی با فــرّ و جاهیم گلمدی
لحظه میز ایللر بویی، گــونلر قیامت گونلری
بیـلمرم شاید منیم چوخـدورگناهیم گلمدی
هامنین معشوقی گــلدی، یتدی اوز مطلوبنه
آز قـــالوبدور قورتارا عـمر تباهیم گلمدی
قوتمیز سندن سورا معجون اشک و آه دور
ناله میز جان سوز دور، چشم سیاهیم گلمدی
آی چخوپ گونلر گچوپ، ایللر دولاندی بیلمدیم
یبزی چین ظلمت اولوب، اوز مهر ماهیم گلمدی
تــکیه گاهیدی منه، جـــور زمــانه قــویمــادی
هــر یــامان وقته اولان پشت و پناهیم گــلمدی
قلب میز مجروحدور، اَل ویرما ناصح، قان ویرر
لاله لـــر دشتینده ایـتدی، بـیر سپــاهیم گلمدی
گوز یاشیلان یازمشام آغــلاماق ویـرمیر مجال
هــیچ ازلــدن اولـمادی بخت سیاهیم گــلمدی
منزلی پوزقون قالوبدی قوجالوب قربانلارون
عــید اضحی لر دولاندی، قبله گاهیم گلمدی»
این شعر از مرحوم الهوردي در فراق صابرحسني هست البته دایی عزیزم فرداد ارسال کرده اند که ناقص هست این کامل هست
نظرات شما عزیزان:
دوست 
ساعت17:32---25 خرداد 1394
خدارحمت کندمرحوم میرزاالهوردی اسماعیلی را؛انشااله برادرتون هم صحیح وسالم زودتربرگرده به وطن
